हीराको हार

एक नजर हेरे पुग्छ प्यार चाहिदैन !
त्यो भन्दा अर्को ठुलो संसार चाहिदैन !!
याद आउदा एक पल बस एक पल सम्झीदिनु ,
बरु मलाई हीराको हार चाहिदैन !
त्यो भन्दा अर्को ठुलो संसार चाहिदैन !!
पल्मोनरी धमनी, पल्मोनरी शिरा तिमी ,
भईदिए मुटुमा रक्तसंचार चाहिदैन !
बरु मलाई हीराको हार चाहिदैन !!
तिमी मेरी भन्ने बिस्वास दिलाउन सक्छ्यौ भने ,
अन्ने कुनै मायाको आधार चाहिदैन !
बरु मलाई हीराको हार चाहिदैन !!
एउटा वार एउटा पार हुनुको के अर्थ ,
भो मलाई नदी को किनार चाहिदैन !
एक नजर हेरे पुग्छ प्यार चाहिदैन !!
त्यो भन्दा अर्को ठुलो संसार चाहिदैन !!!

चाल

ब्युझन्छौ रे तिमी अचेल बिरालिको चालमा पनि

पौडीन्छौ रे तिमी अचेल सुनामी त्यो छालमा पनि !!

मायाको त्यो बिरुवालाई रोप्न जाँदा खेरी,

हिमालमा नै बस्छौ अरे च्यातिएको पालमा पनि !

म संग त भन्थ्यौ पहिले नत कला नत गला,

नाच्छौ अनि गाउछौ अरे नयाँनयाँ तालमा पनि !

पहरेदार द्वार पालेलाई छेक्न सक्छौ भने,

तिम्रो माया बाँधी राख्छु तरवार र त्यो ढालमा पनि !

भन्न मात्र सजिलो छ गर्न कति गाहरो ,

स्वर मा सुर मिलाऊला म नयाँ नयाँ तालमा पनि !!!

फरक

प्रीत उही तर सन्दर्भ फरक ।
गीत उही तर गन्धर्भ फरक ।
तिमी जस्तै छन, यी याद हरु
खुकुरी उही तर कर्द फरक ।
भेट हुदा हामी बोल्छौ उस्तै
शब्द उही तर मर्म फरक ।
दुनिया -समय-तिमी अनि म
बस्तु उही तर खर्क फरक ।
माया - माया उफ़ यो माया
नाम उही तर अर्थ फरक ।