तितो सत्य

• हाँसो र ख़ुशी को अन्त्ये शोकमा हुन्छ ।
• सम्पत्तिले मानिस लाई शत्रु बाट बचाउन सक्छ तर डरबाट मुक्त गराउन सक्दैन
• धेरै राम्रो हुनु पनि नराम्रो हो किन भने राम्रो फूलको सधै हत्या हुन्छ
• भरिएको पेटले इच्छापुर्बक अध्ययन गर्दैन
• शंकालु ब्यक्ति सधै दु:खी हुन्छ ।
• कल्पना र सपना मा हराउनु भन्दा यथार्थमा जिउनु राम्रो हुन्छ ।
• बिना परिश्रम कमाएको धनले शान्ति दिदैन ।
• बोलीमा भन्दा ब्यबहारमा सुन्दरता प्रस्ट हुन्छ ।

धर्मं

इच्छा

गरी खान्छु भन्ने इच्छा ओइलाएर गयो
बाँच्न मलाई रहर छैन विष पिए भयो
मेरो पीडा दिन्नँ तिमीलाई, आँसु बनाई पिएँ
बाहिर आउने मनका शब्द यहीँ रोकिदिएँ भयो

थोपा आँशु

तिमीबाहेक यो मन कतै सर्दै सरेन !

यो मुटुमा तिम्रो माया मर्दै मरेन!!!

अझै तिमीलाई पर्खिरहेछु भेटीन्छ्यौ की भन्दै,

थोपा आँशु झार्ण खोजे झर्दै झरेन !!!

तिमीबाहेक यो मन कतै सर्दै सरेन !!!

सहज लाग्न थाल्यो अचेल

बिछोडको मजबुरी सहज लाग्न थाल्यो

तिमीसँगको यो दूरी सहज लाग्न थाल्यो ।

बिझाउन्न आजकाल तिखो काँडा मलाई,

घाँटीमा धारिलो छुरी सहज लाग्न थाल्यो ।

उडेर गए सबै मेरा इच्छा र चाहना,

आँधी-तुफान अनि हुरी सहज लाग्न थाल्यो ।

तिरेकै छु आजसम्म पाएको केही छैन,

जीवनभरिको यो दस्तुरी सहज लाग्न थाल्यो ।

र त राम्रो लाग्छ मलाई

घुर्क्याउँछ्यौ-धम्क्याउँछ्यौ र त राम्रो लाग्छ ।
आफै फेरी फकाउँछ्यौ र त राम्रो लाग्छ ।
अनुहारमा रिसरागको आगो बालेर,
मनमा माया पकाउँछ्यौ र त राम्रो लाग्छ ।
शिशिर झैँ उजाडिएको यो मनभरि,
मायाको बस्ती बसाउँछ्यौ र त राम्रो लाग्छ ।
कहिलेकाहीँ रिसाएर नदेखे झैँ हिडे भने,
आँखामा साउन बगाउँछ्यौ र त राम्रो लाग्छ ।।