गाउँले ठिटो शहर पस्यो गाडी देख्दा फुरुंगै
तरुनीका पिडौला र नाडी देख्दा फुरुंगै

पिसाब च्यापी रन्थनिदै भिडमा हिंड्ने बटुवा
अलि पर एकान्तमा झाडी देख्दा फुरुंगै

गोठ सारी बेंसी झारी खेती खेप्या राँगोले
फर्केको दिन गोठभित्र पाडी देख्दा फुरुंगै

लोग्ने स्वास्नीको झगडा परालकै आगो हो
भोलिपल्ट नयाँ झिल्के साडी देख्दा फुरुंगै

पैलो चोटी ससुराली जाँदा खेरि लफंगो
साली ज्यूले ओछ्याएको राडी देख्दा फुरुंगै

दिनभरी काम छैन जुम्रा हेर्ने बुहारी
सासूज्यूको टाउकामा ढाडी देख्दा फुरुंगै

गोप्य पत्र पठाको थेँ सुनाएछौ सबैलाई ।
कोमल तिम्रा रुपरङ्ग चुनाएछौ सबैलाई ।

मानेकोथेँ मनकीरानी बिग्रिएछ आनीबानी,
मलाई मात्र कहाँ हुनु गुनाएछौ सबैलाई ।

बोलाउँदा मैना चरी चलाउँदा नैना परी,
मनमुटु च्यातिदिंदै तुनाएछौ सबैलाई ।

जिन्दगानी तान्नेडोरी पिरतीमा हुन्छ भन्दै,
मायामा नै फस्ने पासो बुनाएछौ सबैलाई ।

मन दिँदै मुटु लिँदै हिँन्ने बाँनी पर्यो तिम्रो,
तीरमा माया झिरमा मुटु उनाएछौ सबैलाई ।

सम्झिदैँछु विगतका उत्ताउला रात कति
चिसो चिसो मौसमको उत्ताउला साथ कति

मौन थियौ तिमी पनि आँखा आँखा जुधाएर
बोलिरहे नजरले उत्ताउला बात कति

पोखिएर अङ्गालोमा भुल्न खोज्थेँ लाजहरू
सर्माएर छेक्थ्यौ तिमी उत्ताउला हात कति

शीत बनी झर्थ्यौ तिमी पग्लिएर शिशिरमा
पढेकोथेँ चुमेर नै उत्ताउला मात कति ।।

'तिमीसँग माया लाउनु मेरो ठुलै भुल' भनिन्
सारै चित्त दुखेको थ्यो 'आज अप्रिल फुल' भनिन्

बोलाए झैँ लाग्यो उनले सारा काम छोडी दौडेँ
छेउ पुगेँ निद्रा लाग्यो 'टाँगिदेऊ न झुल' भनिन्

पैले रोजै भन्ने गर्थिन् 'आँखाभित्र राखेकी छु'
आज 'आँखा बिझाउने कसिंगर र धुल' भनिन् ।

जोडीँदैथ्यो साईनो हाम्रो चर्किएर गयौ कता
प्रेम भावले बोलाए'थेँ झर्किएर गयौ कता।

के मा चित्त बुझेन र छेड हान्छौ घरि घरी
बाट्दै थिएँ डोरी मनको सर्किएर गयौ कता।

फाल्न मैले चाहेको'थेँ पखालेर मन्को मैलो
सामिप्यता दिन खोज्दा तर्किएर गयौ कता।

शुन्य लाग्छ संसार नै निराशा ले छाइदिँदा
आउँछु भन्थ्यौ जून लिइ फर्किएर गयौ कता।

शालिन थियो मुहार अनी बोली माधुर्यता
यौबनको मादक प्याला छर्किएर गयौ कता।

चुह्यो होला घरको छानो टाल्नलाई आउँछु प्यारी ।
जेलिएको रिणको जालो फाल्नलाई आउँछु प्यारी ।।

मन पारी अन्धकार , बस्याहौली न्यास्रिएर।
माझेरीमा साँझमा दियो बाल्नलाई आउँछु प्यारी ।।

बाँजो होला गैरी खेत , खहरेको मुहान सुक्दा ।
खनी कुलो खेमा पानी, हाल्नलाई आउँछु प्यारी ।।

ईमान बेची सपना किन्दै , थाकीसके पराई देशमा ।
आफ्नै देशमा माटो ढुङ्गो , चाल्नलाई आउँछु प्यारी ।।

चुह्यो होला घरको छानो टाल्नलाई आउँछु प्यारी ।
जेलिएको रिणको जालो फाल्नलाई आउँछु प्यारी ।।

तिम्रो ओठमा मेरो ओठ जोड़्न कहिले दिने !

साँची राख्या सतित्वोलाई तोड्न कहिले दिने !!

जाडो पानी हट्या छैन शीरक ततायर ,

संगै बेरी नान्यो शीरक ओढ़न कहिले दिने !

बिजुलीको झट्का सरी अंग प्रत्यांगामा ,

चूमी चूमी कम्प बाण छोड़न कहिले दिने !

लिप्त भई नागबेली कहिले बाहुपासमा ,

कहिले तल कहिले माथि मोड़न कहिले दिने !

मलाई माली बनाउदै ख़ुशी सुम्पियर ,

पुरुषता को रस छोड़दै गोडन कहिले दिने !!