जोडीँदैथ्यो साईनो हाम्रो चर्किएर गयौ कता
प्रेम भावले बोलाए'थेँ झर्किएर गयौ कता।

के मा चित्त बुझेन र छेड हान्छौ घरि घरी
बाट्दै थिएँ डोरी मनको सर्किएर गयौ कता।

फाल्न मैले चाहेको'थेँ पखालेर मन्को मैलो
सामिप्यता दिन खोज्दा तर्किएर गयौ कता।

शुन्य लाग्छ संसार नै निराशा ले छाइदिँदा
आउँछु भन्थ्यौ जून लिइ फर्किएर गयौ कता।

शालिन थियो मुहार अनी बोली माधुर्यता
यौबनको मादक प्याला छर्किएर गयौ कता।