चुह्यो होला घरको छानो टाल्नलाई आउँछु प्यारी ।
जेलिएको रिणको जालो फाल्नलाई आउँछु प्यारी ।।

मन पारी अन्धकार , बस्याहौली न्यास्रिएर।
माझेरीमा साँझमा दियो बाल्नलाई आउँछु प्यारी ।।

बाँजो होला गैरी खेत , खहरेको मुहान सुक्दा ।
खनी कुलो खेमा पानी, हाल्नलाई आउँछु प्यारी ।।

ईमान बेची सपना किन्दै , थाकीसके पराई देशमा ।
आफ्नै देशमा माटो ढुङ्गो , चाल्नलाई आउँछु प्यारी ।।

चुह्यो होला घरको छानो टाल्नलाई आउँछु प्यारी ।
जेलिएको रिणको जालो फाल्नलाई आउँछु प्यारी ।।